បណ្ណសារ សំរាប់ ចំណាត់ក្រុម ‘វប្បធម័-ប្រពៃណី’
គំរោងរុះរើសំណង់ព្រះបរមមេរុ ដ៏គួរអោយសោកស្តាយ Leave a comment
មានផ្នែកឯកជន ខាងរកស៊ីទទួលទានលើវិស័យទេសចរណ៍ជាច្រើន នៅក្រុងភ្នំពេញបានធ្វើសំណូមពរទៅរាជរដ្ឋាភិបាល ធ្វើយ៉ាងណារក្សាសំណង់ព្រះបរមមេរុ ដ៏ល្អប្រណិតនេះ ឲ្យបានយូរខែបន្តិច កុំអាលរុះរើចេញពីវាលមេរុនេះ។ ពីព្រោះនេះជាផលិតផលទេសចរណ៍ថ្មីមួយបានកើតឡើងដោយចៃដន្យ ហើយកំពុងត្រូវបានទាក់ទាញភ្នែកទេសចរបរទេស ក៏ដូចកូនខ្មែរជំនាន់ក្រោយចង់ទស្សនា និងគយគន់យ៉ាងខ្លាំងក្លា បន្ទាប់ពីសំណង់នេះបានផុសត្រដែតនៅមុខសារមន្ទីរជាតិ ជាប់ព្រះបរមរាជវាំង។
ភ្ញៀវទេសចរបរទេសជាច្រើន ឲ្យរក្សាទុកសំណង់ព្រះបរមមេរុ ដ៏ល្អប្រណិតនេះមួយរយៈពេលដើម្បីឲ្យភ្ញៀវទេសចរចូលទៅទស្សនា ពីព្រោះពេលភ្ញៀវមានកម្មវិធីចូលទស្សនាសារមន្ទីរជាតិ គេក៏អាចមានលទ្ធភាពចូលទស្សនាសំណង់ព្រះបរមមេរុនេះផងដែរ។ មគ្គុទេសក៏ទេសចរឲ្យភ្ញៀវជាច្រើនក៏បានចង់រក្សាទុកនូវសំណង់ដ៏ អស្ចារ្យនេះ។ វាជាសំណង់ដែលភ្ញៀវក៏ដូចកូនខ្មែរជំនាន់ក្រោយមិនធ្លាប់បានឃើញ នូវស្ថាបត្យកម្មដែលមានរចនាប័ទ្មល្អៗ នៃប្រវត្តិសាស្ត្រការរំលាយព្រះបរមសព ព្រះមហាក្សត្រខ្មែរ តាំងពីទំនៀមទម្លាប់បុរាណកាលមក។ មួយជីវិត
មនុស្សមួយចំនួនក៏មិនធ្លាប់ជួបប្រទះ នូវរបៀបប្រារព្ធព្រះរាជពិធីបុណ្យរំលាយ ព្រះបរមសពស្តេច បែបនេះទេ ហើយសំណង់ស្ថាបត្យកម្មបែបនេះ ក៏ពិបាកជួបប្រទះដែរ។ ដូច្នេះគួរតែរក្សាទុកនូវសំណង់នេះគ្រាន់តែជាតឹកតាងឲ្យកូនខ្មែរ ជំនាន់ក្រោយបានដឹង បានយល់នូវទំនៀមទម្លាប់ជាប្រពៃណីលើការរំលាយព្រះបរមសពរបស់ ព្រះមហាក្សត្រនៃយើង។
សំណង់ដ៏ប្លែកបែបនេះ វាអាចជាផលិតផលទេសចរណ៍ថ្មីមួយ ដែលទាក់ទាញភ្នែកទេសចរបរទេស និងពលរដ្ឋខ្មែរ យ៉ាងក្រៃលែង។ ភ្ញៀវចូលទស្សនាសារមន្ទីរជាតិ ទាំងប៉ុន្មាន គឺគេបានចំណាយពេលចូលទស្សនាសំណង់ព្រះបរមមេរុនេះទាំងអស់ ហើយគេបានគយគន់ទស្សនាមិនដាក់ភ្នែក រួមទាំងដៃកាន់កាមេរ៉ាផ្តិតរូបទុកជាអនុស្សាវរីយ៍ផងដែរ។
ព្រះមេរុ ដែលបានចំណាយការសាងសង់ប្រមាណ ១,២ លានដុល្លារអាមេរិក សម្រាប់ប្រារព្ធព្រះរាជពិធីថ្វាយព្រះភ្លើង ព្រះបរមសព សម្តេចតា សម្តេចតាទួត នៅទីលានព្រះមេរុ ខាងជើងជាប់ព្រះបរមរាជវាំង នឹងត្រូវរក្សាទុកមួយរយៈពេល ដើម្បីឲ្យមហាជនទស្សនា។ ចំណែកផ្លូវមួយចំនួននៅជុំវិញទីនោះ ក៏ត្រូវបន្តបិទចរាចរណ៍ផងដែរ។ នេះបើតាមស្នងការប៉ូលិសរាជធានីភ្នំពេញ។
លោកឧត្តមសេនីយ៍ឯក ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានមានប្រសាសន៍ថា “បើតាមព័ត៌មាន គឺព្រះបរមមេរុនេះ ត្រូវរក្សាទុកមួយរយៈ ដើម្បីឲ្យប្រជាពលរដ្ឋ លោកមានលទ្ធភាពចូលទៅទស្សនា”។
លោកឧត្តមសេនីយ៍ឯក ជួន សុវណ្ណ បានមានប្រសាសន៍ដូច្នេះ នៅក្នុងបទសម្ភាសន៍មួយ ដែលត្រូវបានបង្ហោះក្នុងគេហទំព័ររបស់អគ្គស្នងការនគរបាលជាតិ ស្តីពីជោគជ័យនៃកិច្ចថែរក្សាសន្តិសុខ សណ្តាប់ធ្នាប់ក្នុងព្រះរាជពិធីដង្ហែ និងព្រះរាជពិធីថ្វាយព្រះភ្លើងព្រះបរមសព ព្រះបរមរតនកោដ្ឋ និងវិធានការការពារការចូលទស្សនា ព្រះបរមមេរុ បន្ត។
ក្នុងបទសម្ភាសន៍នោះ លោកឧត្តមសេនីយ៍ ជួន សុវណ្ណ បានលើកឡើងពីកិច្ចប្រឹងប្រែងរបស់កងកម្លាំងគ្រប់ប្រភេទ ដែលបានបំពេញភារកិច្ច និងស្តាប់តាមបង្គាប់បញ្ជារបស់ថ្នាក់លើ ដោយមានការលះបង់ខ្ពស់ ក្នុងកិច្ចការពារសន្តិសុខ សណ្តាប់ធ្នាប់ ដើម្បីឲ្យព្រះរាជពិធីបុណ្យព្រះបរមសព បានប្រព្រឹត្តទៅដោយរលូន ក្នុងរយៈពេល ៧ ថ្ងៃ ដែលបានបិទបញ្ចប់កាលពីថ្ងៃទី៧ ខែកុម្ភៈ ឆ្នាំ២០១៣។
ជាមួយនឹងការរក្សាទុកព្រះបរមមេរុ សម្រាប់មហាជនទស្សនាមួយរយៈពេលនេះ ត្រូវបានលោកឧត្តមសេនីយ៍ឯក ជួន សុវណ្ណ លើកឡើងបន្តថា “ឥឡូវនេះ ក្នុងរយៈពេលដែលត្រូវផ្តល់ជូនទៅដល់ប្រជាពលរដ្ឋទាំងអស់ ដែលចូលទៅទស្សនាព្រះបរមមេរុនេះ យើងបានបើកទូលាយផ្លូវចរាចរណ៍ទាំងអស់ ដោយធ្វើការបិទផ្លូវ តែចំពោះកែងផ្លូវ ១៨៤ និងផ្លូវ ១៩ ហើយនិងកែងផ្លូវ ១៧៨ និងផ្លូវ១៩ ព្រមទាំងកែងផ្លូវ ១៧៨ និងផ្លូវលេខ១៣។ យើងបិទតែប៉ុន្មានផ្លូវនេះទេ ដើម្បីមិនអនុញ្ញាតឲ្យរថយន្តចូលបាន ព្រោះវាអាចនឹងស្ទះចរាចរណ៍។ ក្រៅពីនោះ គឺផ្លូវទាំងអស់យើងត្រូវបានបើកជាធម្មតា”។
លោកឧត្តមសេនីយ៍ឯក ជួន សុវណ្ណ បានបន្ថែមថា “ក្នុងកិច្ចការងារនេះ ជាបញ្ហាប្រឈម ដែលយើងធ្លាប់បានទទួលកន្លងមក គឺមានការបិទផ្លូវក្នុងរង្វង់ធំ ដែលធ្វើឲ្យមានការប៉ះពាល់ដល់ការធ្វើដំណើររបស់ប្រជាពលរដ្ឋ ដោយសារការកកស្ទះចរាចរណ៍ នៅតំបន់ខាងក្រៅតំបន់ការពារ ហើយក៏បានបង្កការលំបាកដល់ប្រជាពលរដ្ឋ ដែលមានលំនៅដ្ឋានស្នាក់នៅក្នុងតំបន់ការពារ ដែលចេញចូលប្រចាំថ្ងៃ… ហើយមានប្រជាពលរដ្ឋមួយចំនួនថ្នាំងថ្នាក់ជាមួយសមត្ថកិច្ច។ អ៊ីចឹង ជាបន្តទៅទៀតនេះ យើងបានបង្រួមហើយ។ ទីតាំងដែលយើងធ្លាប់បិទផ្លូវកន្លងមក គឺយើងបានបើក បន្ទាប់ពីព្រះរាជពិធីបុណ្យបានត្រូវបញ្ចប់ភ្លាម គឺយើងបានបើកទូលាយឡើងវិញហើយ នៅគ្រប់គោលដៅ ដែលបានបិទកន្លងមក”។
សូមបញ្ជាក់ថា ព្រះមហាក្សត្រ និងសម្តេចម៉ែ បានថ្វាយព្រះភ្លើងដល់ព្រះបរមសព កាលពីវេលាម៉ោងប្រមាណ៦ល្ងាច ថ្ងៃទី៤ខែកុម្ភៈ ឆ្នាំ២០១៣ ខណៈសម្លេងយំសោកបានកើតមាន ទាំងនៅវាលព្រះមេរុ និងនៅជុំវិញព្រះបរមរាជវាំង ដែលកកស្ទះដោយមនុស្សដ៏សែនច្រើន ដែលបានមកចូលរួមពិធីថ្វាយព្រះភ្លើង ដល់ព្រះបរមសព សម្តេចឪ។
សម្លេងស្គបានត្រូវទូងឡើង ទូទាំងប្រទេស ហើយកម្ពុជាបានស្មឹងស្មាធិ៍រយៈពេលមួយនាទី។
ពិធីថ្វាយព្រះភ្លើង បានធ្វើឡើង បន្ទាប់ពីព្រះមហាក្សត្រ និងសម្តេចម៉ែ បានថ្វាយផ្កាខ្លឹមចន្ទន៍ ហើយបន្តថ្វាយដោយមេដឹកនាំកម្ពុជា និងតំណាងជាន់ខ្ពស់ មកពីប្រទេសចំនួន១៦។
ព្រះអង្គទាំងពីរបានថ្វាយព្រះភ្លើងនៅម៉ោង ៦និង៣៤នាទី បន្ទាប់ពីព្រះមហាក្សត្រ និងសម្តេចម៉ែ ទ្រង់ព្រះកន្សែង និងទតព្រះនេត្រ ព្រះបរមសព ជាលើកចុងក្រោយ មុនការថ្វាយព្រះភ្លើង និងមានការសូត្រស្វាធ្យាយសត្តប្បករណ៍។
បន្ទាប់ពិធីថ្វាយព្រះភ្លើង ព្រះបរមសព រួចហើយកាំភ្លើងធំទំហំ ១០៥ មិល្លីម៉ែត្រ ដែលមានចំនួន ១២ ដើម ក៏បានចាប់ផ្តើមបាញ់លាន់ឮកងរំពងផងដែរ។ កាំភ្លើងធំទាំងនោះ ត្រូវបានដាក់តាំង នៅមាត់ទន្លេមុខវាំង។ គ្រាប់កាំភ្លើង ដែលត្រូវបាញ់ចេញ ទាំង ១០១ គ្រាប់ ជាគ្រាប់មិនពិត ពោល គឺលាន់ឮតែសំឡេងតែប៉ុណ្ណោះ៕
No comments:
Post a Comment